Meistri Mini Cymru

Mae Meistri Mini Cymru yn gystadleuaeth golff agored i chwaraewyr nad ydynt eto'n aelodau o glwb golff neu sydd wedi ymuno â chlwb golff yn ddiweddar ond sydd heb gael handicap yn llai na 28 eto.
Bydd pob rownd gymhwyso'n cael ei rhannu i'r categorïau canlynol:-

• Merched a bechgyn ar 1 Medi 2011:
• O dan 7 oed
• 8 - 11 oed
• 12 oed neu'n hyn

Bydd y Rownd Derfynol yn cael ei chynnal yn y Celtic Manor Resort, ddydd Mawrth, 25 Hydref. Mae cyfle i bob chwaraewr godi arian nawdd i Shelter Cymru. Mae gwobrau am yr arian nawdd sy'n cael ei godi. Bydd yr enillydd o bob categori ym mhob rownd gymhwyso yn ennill lle yn y Rownd Derfynol a hefyd, bydd y chwaraewr sydd wedi codi'r mwyaf o nawdd ym mhob rownd gymhwyso hefyd yn cael gwahoddiad arbennig i'r rownd derfynol.

Bydd y gystadleuaeth yn cael ei chynnal dros 9 twll yn y clybiau canlynol:

Clwb Golff y Trallwng	28 Gorffennaf
Clwb Golff Baron Hill	29 Gorffennaf
Clwb Golff Caerllion	1 Awst
Clwb Golff y Rhondda	2 Awst
Clwb Golff Caerfyrddin	3 Awst
Clwb Golff Abaty'r Glyn	5 Awst
Clwb Golff Borth	8 Awst
Clwb Golff Clays	9 Awst
Parc Gwledig y Gnoll(Castell-nedd)	10 Awst

 

Mae pob un o'r lleoliadau hyn wedi cael cefnogaeth gan Gronfa Dreftadaeth Cwpan Ryder ac mae'r rhain yn lleoliadau delfrydol i gael cyflwyniad i'r gêm.

Gall yr holl offer sydd ei angen i gymryd rhan yn y gystadleuaeth (clybiau a pheli) gael eu darparu gan leoliad y rownd gymhwyso, ond bydd cyfle i'r chwaraewyr ddefnyddio'u hoffer eu hunain os yw hynny'n well ganddynt.

Yn ogystal â'r gystadleuaeth 9 twll, ac os oes modd, bydd sawl prawf sgiliau ychwanegol gan gynnwys cystadleuaeth bytio a heriau gemau byr yn cael eu cynnal.

10 fydd nifer uchaf y trawiadau ar bob twll, ac mae nifer o newidiadau eraill i'r Rheolau Golff arferol. Cliciwch yma i weld rhestr lawn o Reolau'r Gystadleuaeth.

Mae'r pris mynediad yn £5 , ac mae hwn yn mynd i'r elusen gysylltiedig, Shelter Cymru, ac yn cyfrannu at gostau cynnal y digwyddiad. I gofrestru cliciwch yma.